Kominn hálfa leið að markinu

Mitt Romney bætti við sig að minnsta kosti 212 kjörmönnum á „stóra þriðjudeginum“, þegar forkosningar voru haldnar í tíu ríkjum Bandaríkjanna.

Hann er þar með kominn með 415 kjörmenn samkvæmt talningu AP-fréttastofunnar, en það er meira en mótframbjóðendurnir þrír eru komnir með samanlagt.

Næstur honum er Rick Santorum með 176 kjörmenn, síðan kemur Newt Gingrich með 105 kjörmenn og loks Ron Paul með 47 kjörmenn. Romney þarf hins vegar að fá 1.144 kjörmenn til þess að verða forsetaefni Repúblikanaflokksins, og vantar því enn 729 kjörmenn.- gb