Öflugur jarðskjálfti skók miðhluta Chile

Öflugur jarðskjálfti sem mældist 7,1 á Richter skók miðhluta Chile í gærdag.

Upptök hans voru um 35 kílómetra undan strönd Chile og um tíma var fólki í strandhéruðum skipað að yfirgefa heimili sín vegna flóðbylgjuhættu. Flóðbylgjuhættan var síðan blásin af.

Samkvæmt fréttum frá Chile slösuðust aðeins þrír í þessum skjálfta en eignatjón vegna hans liggur ekki ljóst fyrir. Hinsvegar var mikið um að fólk þusti óttaslegið út á götur enda fannst skjálftinn greinilega á stóru svæði í miðhluta landsins.