Ban Ki-moon dansaði Gangnam Style-dansinn

Suður-kóreski söngvarinn Psy hefur heldur betur slegið í gegn á síðustu mánuðum eftir að lagið Gangnam Style varð vinsælt um allan heim. Á dögunum heimsótti Psy höfuðstöðvar Sameinuðu þjóðanna og hitti meðal annars framkvæmdastjórann Ban Ki-moon. Hann fékk framkvæmdastjórann virðulega til að taka Gangnam Style-dansinn á meðan fjöldinn allur af ljósmyndurum og fréttamönnum horfðu á.

Ki-moon var heldur feiminn fyrst en eftir stutta kennslu ákvað hann að slá til. „Mér varð hugsað til þín þegar ég frétti af komu þinni hingað - þú veist að við eigum oft erfiðar og strangar samningaviðræður hérna hjá Sameinuðu þjóðunum. Ég slíkum tilfellum langar mig oft til að setja Gangnam Style-lagið á fóninn svo allir byrja að dansa, kannski getur þú gert Sameinuðu þjóða-dansinn fyrir okkur," sagði Ki-moon við fréttamenn.

Horft hefur verið á myndbandið við lagið yfir 560 milljón sinnum, síðan um miðja júlí - sem verður að teljast nokkuð gott.