Fékk hjartaáfall eftir að hafa borðað hjartaáfalls-hamborgara

Karlmaður fékk hjartaáfall eftir að hafa borðað risavaxinn hamborgara í Bandaríkjunum. Veitingastaðurinn heitir „Heart Attack Grill." Starfsfólkið klæðist hjúkkubúningum og gengur um með hlustunarpípur.

Maðurinn kom einn á staðinn. Hann pantaði sér hamborgarann „Triple Bypass burger" eða Þrefalda hjáveitan. Maðurinn var í miðjum klíðum við að borða hamborgarann þegar hann kvartaði undan brjóstverkjum.

Þjónustustúlkur staðarins hlupu til eigandans en hann sá um grillið á þeim tíma. „Ég var í eldhúsinu þegar hjúkkurnar komu og sögðu að maður hefði fengið hjartaáfall út í sal," sagði Jon Basso.

Basso trúði þjónustustúlkunum ekki í fyrstu vegna þess að þema veitingastaðarins er hjartadeild á sjúkrahúsi. Gengilbeinurnar eru klæddar hjúkkubúningum og matargestir þurfa að klæðast spítalasloppum. Sjálfur er Basso ávallt klæddur læknaslopp og með hlustunarpípu um hálsinn

Basso hringdi á sjúkrabíl og fékk maðurinn aðhlynningu stuttu seinna. Maðurinn lifði af, sagði Basso, sem er ekki læknir.

Einkunnarorð Hjartaáfallsgrillsins er: „Bragð sem maður deyr fyrir." Á aðaldyrunum stendur síðan: „Varúð: Þessi veitingastaður býður upp á óhollan mat."

Á Þreföldu hjáveitunni eru 600 grömm af nautakjöti. Hamborgarabrauðið er þakið svínafeiti. Hálfur laukur er á borgaranum en honum er einnig dýft í svínafeiti. Að auki eru 15 sneiðar af beikoni, ostur og sósa. Hamborgarinn er 6.000 kaloríur.