Sarkozy sækist eftir endurkjöri

Nicolas Sarkozy mun sækjast eftir endurkjöri í forsetakosningunum í Frakklandi í sumar. Kosið verður 22. apríl næstkomandi.

Sarkozy opinberaði áform sín í viðtali á frönsku sjónvarpsstöðinni TF1. Aldrei lék vafi á því að Sarkozy myndi sækjast eftir endurkjöri.

Helsti andstæðingur Sarkozy er Francois Hollande en hann frambjóðandi Sósíalistaflokksins í Frakklandi. Hollande hefur mikið forskot í skoðanakönnunum.

Tæpar tíu vikur eru til kosninga í Frakklandi. Sarkozy sagði að framboð sitt sé einlægt og vel ígrundað.