Obama skaut úr sykurpúðabyssu

Árleg vísindahátíð var haldin í Hvíta húsinu í Washington í vikunni. Grunnskólanemar víðsvegar að úr Bandaríkjunum sóttu Bandaríkjaforseta heim og kynntu sköpunarverk sín.

Barack Obama, Bandaríkjaforseti, gekk á milli sýningarverkefnanna og fékk að heyra margt fróðlegt. Það var þó eitt verkefni sem vakti sérstaka athygli Obama en það var sykurpúðabyssa Joey nokkurs Hudy.

Obama spurði Joey litla hvort að það væri í lagi að skjóta sykurpúða innanhúss. „Nú, loftþrýstingurinn er 2.06 bör," sagði Joey. „Sykurpúðinn myndi skjótast 50 metra."

„Hann myndi því, þú veist, skjótast á vegginn þarna?" spurði Obama. Joey svaraði játandi. „Myndi hann festast?" spurði leiðtogi frjálsa heimsins.

Eftir að hafa dælt lofti í byssuna fylgdist Obama síðan spenntur með þegar Joey tók í gikkinn og sykupúðinn flaug yfir hafsjó ljósmyndara.