Trúlofuðust í beinni útsendingu

Sara Duncan hélt að hún væri að fara ræða um baráttu sína við brjóstakrabbamein þegar hún var gestur í sjónvarpsþætti í Bretlandi. Hún kom því af fjöllum þegar kærasti hennar bað um hönd hennar í beinni útsendingu.

Sara og kærasti hennar, Craig Etchells, voru gestir í morgunþættinum Daybreak fyrr í vikunni. Þau hafa verið saman í áraraðir og eiga tvö börn saman.

Parið hefur fjallað opinskátt um baráttu sína við brjóstakrabbamein Söru. Fyrir nokkru birtu þau myndband á vefsíðunni YouTube þar sem yngsta dóttir þeirra klippir hárið af móðir sinni.

Sara og Duncan voru beðin um að koma í þáttinn til að ræða um myndbandið. Hún ákvað að nota ekki hárkolluna í viðtalinu.

Eftir að hafa rætt um krabbameinið í nokkrar mínútur ákvað Craig að láta slag standa.

„Ég hafði hugsað mér að gera þetta seinna í dag," sagði Craig. „En ef ég mætti fá nokkrar sekúndur til að gera eitt."

Craig kraup síðan á hné fyrir fram Söru. „Þú er hugrakkasta og fallegasta manneskja sem ég hef nokkurn tíma kynnst. Ég talaði við föður þinn í gær og hann gaf blessun sína. Viltu giftast mér?"

Craig hafði vart sleppt orðinu þegar Sara sagði já.

Atvikið vakti mikla lukku og brustu þáttastjórnendurnir í grát þegar Craig dró hring á fingur Söru.

Hægt er að sjá myndbandið þar sem dóttir Söru og Craig klippir hárið á móður sinni hér fyrir ofan.