Áður óséð myndband af Challenger-slysinu opinberað

Áður óséð myndband af Challenger-slysinu árið 1986 hefur nú verið opinberað. Myndbandið var í eigu fjölskyldu sem myndaði geimskotið á ferðalagi sínu um Bandaríkin.

Challenger-geimflaugin fórst 73 sekúndum eftir að henni var skotið á loft. Geimfararnir létust allir. Slysið er talið vera það versta sem átt hefur sér stað í geimferðaáætlun Bandaríkjanna.

Myndbandið var á tekið flugvelli á Canaveral höfða í Flórída. Fyrr um daginn hafði fjölskyldan heimsótt skemmtigarðinn Disneyland.

Á myndbandinu má sjá fjölda fólks sem safnast hefur saman á flugvellinum til að fylgjast með geimskotinu. Þau virðast ekki gera sér grein fyrir því þegar geimferjan springur í loft upp. Einn spyr hvort að sprengingin sé ekki örugglega hluti af geimskotinu.

Challenger-slysið er mörgum minnistætt. Einn af farþegum ferjunnar var kennarinn Christa McAuliffe en hún átti að verða fyrsti óbreytti borgarinn til að ferðast út í geim. Christa var valin úr hópi 11.000 umsækjenda sem þráðu að upplifa þyngdarleysi og víðáttu alheimsins.

Gríðarlegur fjöldi fylgdist með geimskotinu en því var sjónvarpað um Bandaríkjunum.

Hægt er að sjá myndbandið hér fyrir ofan.