Hjón í Missouri unnu 36 milljarða í lotó

Hjón í Missouri hafa gefið sig fram sem vinningshafar í Powerball lottóinu en vinningur þeirra hljóðar upp á um 36 milljarða króna.

Annar miði var einnig með réttum tölum en sá sem heldur á honum hefur ekki gefið sig fram. Sá miði var seldur í Arizona.

Hjónin sem hér um ræðir, Mark og Cindy Hill, eru bæði á sextugsaldri. Mark vinnur sem vélamaður í kjötvinnslu en Cindy missti vinnu sína sem skrifstofustjóri fyrir tveimur árum.

Þau ætla sér að ættleiða annað barn í ljósi betri fjárhagsstöðu sinnar og Mark hefur augastað á rauðum Camaro.