Konur fá að spila á Augusta-golfvellinum

Samþykkt hefur verið að konur fái að leika golf á Augusta golfvellinum í Bandaríkjunum í framtíðinni. Augusta golfvöllurinn er þekktastur fyrir það að Masters-golfmótin eru haldin þar.

Í þau áttatíu ár sem golfvöllurinn hefur verið starfræktur hefur konum ávallt verið meinaður aðgangur. Það breytist þegar nýtt tímabil hefst í október en þá munu Condoleezza Rice, fyrrverandi utanríkisráðherra Bandaríkjanna og Darla Moore, kaupsýslukona, fá að spila á vellinum.

Forsvarsmenn golfvallarins hafa sætt gagnrýni í um árabil fyrir það að konum skuli ekki vera leyft að spila á vellinum.

Áður en Masters hófst í apríl gagnrýnDi Barack Obama Bandaríkjaforseti þetta meðal annars.