Romney sigraði í Maine fylki

Mitt Romney, sigraði í forkosningu repúblikanaflokksins í Maine fylki í Bandaríkjunum í gær. Romney hlaut þrjátíu og níu prósent atkvæða en Ron Paul var í öðru sæti með þrjátíu og sex prósent, þá var Rick Santorum með átján prósent og Newt Gingrich með sex prósent en hvorugur þeirra háði mikla kosningabaráttu í fylkinu.

Niðurstaðan er endurkoma fyrir Romney sem tapaði óvænt fyrir Rick Santorum í þremur forkosningum á þriðjudag. Næstu stóru forkosningar eru í Arizona og Michigan í lok febrúar og síðan er stóri þriðjudagurinn eða Super Tuesday sjötta mars þegar tíu fylki velja sér leiðtoga.