Örlög Grikklands gætu ráðist í dag

Örlög Grikklands gætu ráðist í dag en þá funda fjármálaráðherrar evrusvæðisins um nýtt neyðarlán upp á 130 milljarða evra til Grikklands.

Ekki er víst að lánið verði samþykkt á fundinum því hluti ráðherranna telur að grísk geti ekki staðið við skilyrðin sem sett eru fyrir láninu.

Þúsundir manna mótmæltu skilyrðunum fyrir utan þinghúsið í Aþenu í gærkvöldi. Mannfjöldinn var þó mun fámennari en fyrir rúmlega viku síðan og allt fór friðsamlega fram.

Þá sýnir ný skoðanakönnun sem birt var í gærdag að 76% Grikkja vilja áfram tilheyra Evrópusambandinu og hafa evruna sem gjaldmiðil.