Arababandalagið frestar fundi

Fulltrúar Arababandalagið hafa frestað fundi sínum í Sádí-Arabíu þar sem ræða átti málefni Sýrlands.

Vonast var til að bandalagið myndi velja nýjan friðarsamningamann til að miðla málum milli stríðandi fylkinga í landinu en Kofi Annan sagði starfi sínu lausu í síðasta mánuði.

Hillary Clinton, utanríkisráðherra Bandaríkjanna, sagði í nótt að Tyrkland og Bandaríkin væru nú að vinna að áætlun um að styðja við bakið á uppreisnarmönnum í Sýrlandi.

Á fundi sínum við ráðamenn í Istanbúl sagði Clinton að yfirvöld í Bandaríkjunum væru reiðubúin að skerast í leikinn ef ríkisstjórn Bashar al-Assads fellur.

Þá sagði hún að Bandaríkin myndu beita sér ef efnavopnum yrði beitt í Sýrlandi sem og að ef fjöldi flóttamanna frá landinu eykst.