Besta knattspyrnukona heims búin að spila sinn síðasta landsleik

Japanska landsliðskonan Homare Sawa tilkynnti það eftir tapleikinn á móti Bandaríkjunum í úrslitaleik knattpyrnukeppni kvenna á Ólympíuleikunum í London að hún væri búin að spila sinn síðasta landsleik. Bandaríkin vann leikinn 2-1 og tryggði sér gullið.

Homare Sawa var kosin besta knattspyrnukona heims árið 2011 en hún fór þá fyrir Heimsmeistaraliði Japan á HM í Þýskalandi þar sem hún fékk bæði gullknöttinn, sem besti leikmaður keppninnar, og gullskóinn, sem markahæsti leikmaðurinn.

Homare Sawa er orðinn 33 ára gömul og skoraði 81 mark í 186 landsleikjum fyrir Japan. Hún var ekki fyrirliði japanska landsliðsins á Ólympíuleikunum í London.

„Ég hef afrekað það sem ég get og ég sé ekki eftir neinu. Mig langaði alltaf í Ólympíugullið en ég er búinn að gefa allt mitt og þetta er endapunkturinn," sagði Homare Sawa.

„Ef ég segi alveg eins og er þá varð það alltaf erfiðara og erfiðara að gefa hundrað prósent af sér til landsliðsins og þá er ég að tala um bæði líkamann og tímann. Ég endaði á því að vinna verðlaun og þetta er góður tími til að kveðja," sagði Sawa.