Feiti Ronaldo í uppáhaldi hjá Snoop Dogg

Það eru ekki margir sem vita að rapparinn hundslegi Snoop Dogg er mikill knattspyrnuáhugamaður. Það sem meira er þá er brasilíski Ronaldo, oft kallaður Feiti Ronaldo, í uppáhaldi hjá honum.

"Þegar ég fór að fylgjast með Evrópuboltanum almennilega var Ronaldo maðurinn. Hann er einn magnaðasti knattspyrnumaður sem ég hef séð," sagði Snoop.

"Ég elskaði að horfa á hann spila. Það var klassi yfir honum og svo var hann með margar skemmtilegar greiðslur. Hárið á honum var fallegt."