Íslenski boltinn

Skotin flugu milli Bolla og Hjamma

Valur Páll Eiríksson skrifar
Bolli Már og Hjálmar Örn verða andstæðingar á laugardag en vinir eftir leik.
Bolli Már og Hjálmar Örn verða andstæðingar á laugardag en vinir eftir leik. Vísir

Þeir Bolli Már Bjarnason og Hjálmar Örn Jóhannsson verða sitthvoru megin í stúkunni þegar Fylkir og Þróttur takast á um sæti í Bestu deild karla á Laugardalsvelli á morgun. Þeir tókust létt á í viðtali við Vísi um komandi leik.

„Ég held að við séum betur stemmdir í hausnum heldur en mörg önnur lið,“ segir Hjálmar.

„Ég myndi ekki halda að hausinn sé neitt betri í Árbænum en annarsstaðar, þeir skriðu í gegnum þessi undanúrslit, þetta var mjög ósannfærandi,“ segir Bolli á meðan Hjálmar hlær og hristir hausinn.

Klippa: Bolli og Hjammi takast á

„Svo skemmir ekki fyrir að stelpurnar okkar unnu bikar síðustu helgi,“ bætir Bolli við.

„Svo er mjög gaman að sjá að við erum búnir að selja rúmlega þúsund miða á meðan Þróttarar eru í 500,“ segir Hjálmar og skellihlær.

„Nei, 600,“ segir Bolli. „Þetta kemur allt með kalda vatninu, við höfum engar áhyggjur.“

Þeir sammældust um að það verði uppselt á leikinn á morgun og hlakka mikið til. Stórskemmtilegan dúett þeirra má sjá í spilaranum.

Þróttur og Fylkir mætast klukkan 16:15 á morgun. Leikurinn verður sýndur á Livey og lýst í beinni textalýsingu hér á Vísi.

Þróttur Reykjavík Fylkir Lengjudeild karla Íslenski boltinn

Mest lesið


Fleiri fréttir

Sjá meira


×

Mest lesið