Magnaðar myndir frá hinstu för Endeavour

Það er óhætt að segja að stemmingin á götum Los Angeles sé sérkennileg þessa dagana. 75 tonna faratæki fer nefnilega þar um á um 3 kílómetra hraða.

Það er geimferjan Endeavour sem er á leiðinni á safn eftir að hafa lokið merkilegri þjónustu sinni fyrir bandarísku geimferðarstofnunina Nasa. Hingað til hefur skutlan flogið nokkuð hátt - og hratt - en núna rúllar hún ofurhægt í gegnum borgina íbúum til mikillar gleði.

Þannig má sjá á þessum myndum hvernig Bandaríkjamenn hafa gert sér dagamun með því að fylgjast með þessu risafaratæki, sem hefur ferðast hátt í 200 milljón kílómetra, ljúka sinni hinstu för.