Borgarstjórinn lýsir yfir stuðningi við sérstöku eftirliti með múslimum

Borgarstjóri New York borgar hefur lýst yfir stuðningi við sérstakt eftirlit lögreglunnar með múslimum til að koma í veg fyrir hryðjuverk. Múslimum í borginni þykir á sér brotið.

Michael Bloomberg, borgarstjóri New York, hefur legið undir ámæli í vikunni vegna leynilegs eftirlits lögreglu með moskum og stúdentahópum í borginni og nágrenni hennar, sem fréttastofa AP hefur svipt hulunni af.

Alls eru um þúsund starfsmenn í gagnhryðjuverkadeild lögreglunnar, en þeir hafa meðal annars sent flugumenn í háskóla, ljósmyndað moskur og haldið lista yfir fyrirtæki í eigu múslima.

Bloomberg lýsti fullum stuðningi við aðgerðirnar til að koma í veg fyrir árásir öfgamanna í vikulegum útvarpsþætti sínum í gær, þrátt fyrir að stjórnmálamenn og stjórnendur háskóla hafi talið þær ganga of nærri einkalífi saklauss fólks.

„Allt sem lögreglan í New York hefur gert er löglegt, viðeigandi og í samræmi við stjórnarskrána," segir Michael Bloomberg, borgarstjóri New York.

„Við höfum stöðvað 14 samsæri gegn borginni. Öll þessi samsæri voru þróuð af öfgafullum múslímum. Þetta er brot á stjórnarskránni og þetta er óamerískt. Hafa þeir fundið einhvern hryðjuverkamann í þessari mosku? Hvernig líður mér? Eins og það þafi verið brotið á mér, auðvitað. Enginn hefur rétt á að ráðast inn

í einkalíf mitt og það hafa þeir gert.," segir Ray Kelly, lögreglustjóri í New York.

Múslimar hafa einnig gagnrýnt aðgerðirnar harðlega, en þeir lýstu óánægju sinni víða opinberlega í gær.