Bjó til fiðlustrengi úr kóngulóarvef

Japönskum vísindamanni hefur tekist að búa til fiðlustrengi úr kóngulóarvefþráðum. Þessir strengir eru sagðir jafngóðir, ef ekki betri en hefðbundnir fiðlustrengir.

Þræðirnir sem vísindamaðurinn notaði voru frá kóngulóm af tegundinni gullvefarar en þær þykja búa til einhverja flóknustu kóngulóarvefi í heiminum.

Það þurfti þrjú til fimm þúsund kóngulóarþræði til að búa til einn fiðlustreng. Við prófanir reyndust þessir strengir vera sterkari en hefðbundinir fiðlustrengir sem búnir eru til úr næloni með hjúp af áli í kringum sig.