Bill Gates leitar að framúrstefnulegum klósettum

Klósett sem notar örbylgjur til að breyta kúk í rafmagn, klósett sem breytir hægðum í kol og klósett sem er sólarorkuknúið voru meðal númera á hönnunarsýningu sem Bill og Melinda Gates stóðu fyrir í því skyni að bæta hreinlæti í heiminum.

Samkeppnin nefndist Endurhannaðu klósettið og vegleg verðlaun voru í boði fyrir þann sem hannaði besta klósettið sem notaði ekki vatn og var ódýrt í notkun. Hið venjulega klósett er ekki sérlega hentugt í þróunarlöndum heimsins enda tapast mörg tonn af drykkjarvatni þegar fólk sturtar niður.

Klósettið sem hlaut fyrstu verðlaun var knúið sólarorku. Hönnunarteymið vann 100 þúsund dollara í verðlaun sem nemur 12,5 milljónum króna.

Fjallað er um málið á fréttavef BBC.