Óskabyrjun Þóru og félaga dugði ekki

Þóra Björg Helgadóttir stóð vaktina venju samkvæmt í marki Western Sydney Wanderers sem tapaði 3-1 á útivelli gegn Melbourne Victory.

Gestirnir frá Sydney komust yfir strax á 2. mínútu og útlitið gott. Með sigri gátu Þóra og félagar náð Melbourne-liðinu að stigum en sú átti ekki eftir að verða raunin.

Heimakonur jöfnuðu strax á 11. mínútu með glæsimarki og tóku í kjölfarið völdin að því er segir á heimasíðu áströlsku deildarkeppninnar.

Staðan í hálfleik var jöfn 1-1 en heimakonur náðu forystunni snemma í fyrri hálfleik. Þær tryggðu sér svo tveggja marka sigur í viðbótartíma.

Þóra Björg Helgadóttir sagði á Twitter-síðu sinni að hún væri svekkt með tapið. Þá var hún greinilega ekki sátt við eigin frammistöðu í tapinu.

Western Sydeny Wanderers er í 6. sæti með 13 stig, sjö stigum á eftir toppliðum Perth Glory og Brisbane Roar.