Alfreð skoraði og lagði upp í sigri Heerenveen | Myndband

Alfreð Finnbogason er búinn að skora og leggja upp mark fyrir Heerenveen sem leiðir 2-1 gegn Vitesse Arnheim í efstu deild hollensku knattspyrnunnar.

Samkvæmt textalýsingu Heerenveen fékk Alfreð þrjú góð færi áður en hann lagði upp fyrsta mark leiksins fyrir Filip Djuricic á 30. mínútu. Gestirnir jöfnuðu metin níu mínútum síðar og staðan 1-1 í hálfleik.

Alfreð kom heimamönnum yfir á 50. mínútu með skoti af löngu færi. Markvörður gestaliðsins hefði þó getað gert mun betur. Markið reyndist sigurmark leiksins og Heerenveen nældi því í stigin þrjú.

Heerenveen hefur átján stig líkt og AZ Alkmaar í 12.-13. sæti deildarinnar.

Mark Alfreðs má sjá í spilaranum hér fyrir ofan.