Ákærðir vegna hryðjuverkanna 11. september

Fimm grunaðir hryðjuverkamenn hafa verið kærðir yfirvöldum í Bandaríkjunum fyrir að hafa skipulagt árásirnar á tvíburaturnana 11. september árið 2001.

Mennirnir hafa allir verið vistaðir í fangelsinu í Guantanamó-flóa. Á meðal þeirra er Khalid Sheikh Mohammed en hann er sagður hafa gegnt lykilhlutverki í skipulagningu hryðjuverkanna.

Farið verður fram á dauðarefsingu yfir mönnunum. Réttað verður yfir mönnunum fyrir herráði.

Sheikh Mohammed er sagður hafa játað aðild sína að hryðjuverkunum. Hann heldur því fram að hann hafi verið pyntaður í Guantanamó-fangelsinu og eru gögn leyniþjónustu Bandaríkjanna sögð sanna það.

Mennirnir eru grunaðir um aðild að fleiri hryðjuverkum.