Sænsku Eurovision-kynnarnir gera grín að prinsessunni

Svíar eru ekki bara hneykslaðir á Madeleine prinsessu sem tilkynnti trúlofun sína í gær á myndskeiði. Sumir þeirra gera jafnvel stólpagrín að henni. Það á til dæmis við um Ginu og Danny kynnana í Eurovision sem fram fer í Svíþjóð á næsta ári. Þeir slógu á létta strengi í gær þegar þeir fjölluðu um keppnina, eins og sjá má í þessu myndskeiði.

„Í dag erum við Danny mjög ánægð með að geta staðfest að við munum kynna Eurovisionkeppnina 2013," segir Gina í myndskeiðinu. „Daníel bað mig í byrjun mars," segir hún. Danny segir að hann sé mjög ánægður með að hafa fengið já-svar frá Ginu þegar hann bar upp spurninguna við hana.

Eurosvision keppnin verður haldin í Malmö í vor, en sænska söngkonan vann keppnina í fyrra með laginu „Euphoria".