Skriður kominn á samninga um vopnahlé á Gaza

Skriður virðist kominn á samninga milli Ísraelsmanna og Hamassamtakanna á Gaza um vopnahlé í þeim átökum sem staðið hafa linnulaust frá því í miðri síðustu viku.

Á vefsíðu BBC segir að leiðtogar Ísraels hafi fundað seint í gærkvöldi um tillögur Egypta um að koma á vopnahléi á Gaza. Frekari viðræður um málið eru áformaðar í Kaíró í dag.

Ban Ki-moon framkvæmdastjóri Sameinuðu þjóðanna er nú í Kaíró en fer síðan seinna í dag til Ísraels.

Töluvert hefur dregið úr loftárásum Ísraelsmanna síðan í gærdag en nú hafa yfir 100 Palestínumenn fallið í þessum loftárásum.