Danski sjónvarpsþátturinn Borgen hefur notið mikilla vinsælda á síðastliðnum mánuðum. Einn af aðdáendum þáttanna er Jens Stoltenberg, forsætisráðherra Noregs. Í grein á vef norska ríkisútvarpsins er fjallað um það að þótt starf Stoltenbergs sé ákaflega erfitt og erilsamt gefi hann sér alltaf tíma til að horfa á þættina.
„Ég reyni að horfa alltaf á þá í sjónvarpinu en ef ég missi af þeim þá horfi ég á þá á DVD," segir Stoltenberg. Hann hefur áður sagt að hann horfi á sjónvarp en á meðal annarra þátta sem hann horfir á er The Sopranos og Mad Men.
Borgen, sem fjalla um líf og störf dansks forsætisráðherra, eru sýndir hér á Íslandi. Össur Skarphéðinsson utanríkisráðherra hefur sagt að hann horfi á þættina.
Stoltenberg horfir á Borgen
