Þessi fjórtán voru sæmd fálkaorðunni

Freyja Þórisdóttir skrifar 17. júní 2026 14:59

Í ár voru það sjö karlmenn og sjö konur sem hlutu heiðursmerkið. Þess er gætt að kynjahlutfall sé jafnt. Embætti forseta Íslands

Halla Tómasdóttir forseti sæmdi í dag fjórtán manns heiðursmerki hinnar íslensku fálkaorðu við hátíðlega athöfn á Bessastöðum. Þeirra á meðal eru rithöfundurinn Andri Snær Magnason, matreiðslumeistarinn Hrefna Sætran og fyrirliði Grindavíkur í körfuknattleik, Ólafur Ólafsson.

Hin íslenska fálkaorða er íslensk heiðursviðurkenning sem veitt er einstaklingum, bæði íslenskum og erlendum, en forseti Íslands sæmir íslenska ríkisborgara fálkaorðunni tvisvar á ári, 1. janúar og 17. júní. Í ár voru það sjö karlmenn og sjö konur sem hlutu heiðursmerkið. Var þetta í fjórða skipti sem Halla veitir riddarakrossinn eftir að hún tók við embætti forseta Íslands.

Að neðan má sjá lista yfir þau sem voru sæmd fálkaorðunni fyrr í dag.

1. Andri Snær Magnason, rithöfundur, fyrir skapandi störf í þágu framtíðar.

2. Anna Björnsdóttir, kórstjóri, fyrir störf að mennta-, menningar- og félagsmálum í heimabyggð.

3. Ásdís Thoroddsen, leikstjóri, fyrir framlag til miðlunar á íslenskri menningararfleifð.

4. Ásgeir Haraldsson, barnalæknir og prófessor emeritus, fyrir fjölþætt störf á sviði barnalækninga og ónæmisfræða.

5. Hákon Ingvi Hansson, dýralæknir, fyrir framlag til atvinnumála og samfélagsmála í heimabyggð.

6. Hrefna Sætran, matreiðslumeistari, fyrir frumkvöðla- og uppbyggingarstarf í matreiðslu og veitingahúsarekstri.

7. Hreinn Valdimarsson, hljóðmeistari, fyrir framlag til hljóðvinnslu og varðveislu hljóðminja.

8. Karólína Elísabetardóttir, bóndi, fyrir frumkvöðlastarf í baráttunni gegn riðu í sauðfé.

9. Kolbrún Elfa Sigurðardóttir, kennari og fornfræðingur, fyrir framlag í þágu menntamála og klassískrar menntunar.

10. Miyako Þórðarson, prestur, fyrir störf í þágu heyrnarlausra.

11. Ólafur Arnalds, jarðvegsfræðingur, fyrir frumkvöðlastarf í rannsóknum á íslenskri náttúru og miðlun þeirra.

12. Ólafur Ólafsson, fyrirliði og körfuknattleiksmaður, fyrir forystuhlutverk fyrir sína heimabyggð á krefjandi tímum.

13. Sigurbjörg Árnadóttir, formaður Vitafélagsins - íslensk strandmenning, fyrir störf í þágu íslenskrar þjóðmenningar.

14. Þorsteinn Eggertsson,textahöfundur, fyrir framlag til íslenskrar dægurmenningar.

Fálkaorðan Halla Tómasdóttir Forseti Íslands 17. júní

Tengdar fréttir

Vill veita björgunarfólkinu viðurkenningu

Ólína Kjerúlf Þorvarðardóttir, deildarforseti og prófessor við Háskólann í Bifröst, telur einsýnt að þeir sem komu að björgunarstörfum í tengslum við snjóflóðin í Súðavík og á Flateyri fyrir þrjátíu árum verði heiðraðir sérstaklega fyrir framgöngu sína.

14. janúar 2025 12:17

Mest lesið

Fleiri fréttir