Ákveðið í dag hvort réttað verði yfir Strauss-Kahn í Frakklandi

Dómstóll í Lille í Frakklandi mun í dag taka afstöðu til þess hvort málaferli verði hafin gegn Dominique Strauss-Kahn fyrrum forstjóra Alþjóðagjaldeyrissjóðsins.

Strauss-Kahn hefur verið ákærður fyrir aðild að vændiskvennahring sem starfræktur var á lúxushótelum í Lille en vitað er að Strauss-Kahn tók þátt í kynlífsveislum með vændiskonunum á þessum hótelum.

Lögfræðingur hans segir að Strauss-Kahn hafi ekki vitað að um vændiskonur hafi verið að ræða.

Þetta mál er það eina sem enn er rekið gegn Strauss-Kahn í Frakklandi.