Zlatan fékk rautt fyrir karatespark og PSG tapaði

Þetta var ekki góður dagur fyrir Svíann Zlatan Ibrahimovic og félaga hans í franska liðinu Paris Saint–Germain sem urðu að sætta sig við 1-2 tap á heimavelli á móti Saint-Étienne.

Saint-Étienne komst í 2-0 aðeins þremur mínútum eftir að Zlatan Ibrahimovic fékk að líta rauða spjaldið fyrir karatespark í brjóstkassa Stéphane Ruffier, markvarðar Saint-Étienne.

Zlatan Ibrahimovic og markvörðurinn fór báðir upp í háan bolta en Zlatan fór með takkana á undan og dómarinn var ekki í neinum vafa um að reka hann í sturtu.

Guillaume Hoarau náði að minnka muninn á 88. mínútu en PSG varð að sætta sig við fyrsta deildartapið á tímabilinu.

Saint-Étienne komst yfir á 55. mínútu þegar Mamadou Sakho varð fyrir því að setja boltann í eigið mark.