Látin kona skreið upp úr líkkistunni

Talið var að hin 95 ára gamla Li Xiufeng hefði látist í svefni. Nágranni hennar, sem færði henni mat á hverjum degi, fann hana hreyfingarlausa í rúmi sínu.

„Hún vaknaði ekki," sagði Chen Qingwang. „Ég ýtti við henni og reyndi að vekja hana. Ég leitaði eftir lífsmörkum en fann engin. Þetta var þó frekar undarlegt því líkami hennar var ekki kaldur."

Læknir var kallaður til og var Li úrskurðuð látin. Hún var færð í líkkistu og voru ástvinir hennar kallaðir til.

En daginn áður en jarðarförin átti að fara fram - sex dögum seinna - hvarf Li úr líkkistunni. „Við vorum svo hrædd," sagði Qingwang. „Við leituðum hátt og lágt en líkið var horfið."

Eftir að hafa leitað klukkustundum saman fannst Li gamla í eldhúsi sínu. Hún sat á viðarkolli og eldaði graut.

„Ég svaf svo lengi," sagði Li. „Þegar ég vaknaði var ég máttvana og hungruð. Það tók mig dágóða stund að fjarlægja kistulokið."

Talið er að Li hafi upplifað svokallaðann „gervi-dauða" en í slíku ástandi er andardráttur enginn en líkaminn heldur þó hita sínum.