Tillaga um búsetuskírteini lögð fram á norska þinginu

Tillaga hefur verið lögð fram á norska þinginu þess efnis að innflytjendum, utan ríkja Evrópu, verði gert skylt að hafa ávallt meðferðis búsetuskírteini.

Skírteinin verða með innbyggðum tölvukubbum með fingrafari hvers og eins. Tilgangur skírteinanna er að bregðast við miklum fjölda ólöglegra innflytjenda í Noregi.

Á fréttavef TheLocal.no kemur fram að tillagan hafi verið lögð fram vegna þrýstings frá Evrópusambandinu.

Samkvæmt dómsmálaráðherra Noregs munu skírteinin koma sér vel fyrir þá löglegu innflytjendur sem búa í landinu þar sem þeir gætu framvísað þeim og þannig sýnt fram á löglega veru í landinu.