Ein elstu hjón Bretlands fagna 75 ára brúðkaupsafmæli

Lionel og Ellen Buxton eru ein elstu hjón Bretlands. Þau kynntust fyrir 82 árum og hafa verið gift í 75 ár.

Þau kynntust á fjórða áratugnum en þau störfuðu bæði í verksmiðju í Woolwich. „Hún var yndisleg," sagði Lionel. „Ég hlakkaði alltaf til þegar henni vantaði aðstoð."

„Okkur kom vel saman. Við fórum á nokkur stefnumót og enduðum með því að giftast nokkrum árum seinna. Við hefðum gert það fyrr en við höfðum ekki efni á því."

Lítið hefur breyst á 82 árum. Ellen er reyndar orðin 100 ára gömul og Lionel verður tíræður eftir nokkra mánuði.

Ellen segir að ástin hafi aldrei dvínað. „Við erum góðir vinir. Þess vegna gekk hjónabandið upp. Við höfum líka verið dugleg við að fara út að borða."

Þó svo að Ellen og Lionel hafi ekki verið í burtu frá hvort öðru í meira en eina nótt síðustu átta áratugi þá segja þau að ástin sé enn til staðar.

Til allrar hamingju hafa hjónin sömu áhugamál. Bæði elska sápuóperur, bingó, gátur og að lesa skáldsögur.