Arshavin: Capello er búinn að taka við liðinu

Andrey Arshavin, fyrirliði rússneska landsliðsins, heldur því fram að Fabio Capello sé búinn að samþykkja að taka við rússneska landsliðinu.

Rússarnir hafa verið í þjálfaraleit eftir að Dick Advocaat hætti eftir EM til þess að taka við PSV Eindhoven.

Vitað er að Capello hefur verið í viðræðum við rússneska knattspyrnusambandið í Moskvu. Sambandið segist ætla að kynna nýjan þjálfara til leiks eftir helgi.

"Rússar búnir að ráða þjálfara og það er Fabio Capello. Við óskum honum alls hins besta," segir Arshavin á heimasíðu sinni.

Rússarnir settu upp þrettán manna lista yfir þjálfara sem þeir vildu fá og þar var Capello líklega mjög ofarlega á listanum.