Hrútur og dádýr gengu í hjónaband

Hrútur og dádýr gengu í hjónaband í dýragarði í Kína í dag. Óvanalegt ástarsamband hrútsins Changmao og dádýrsins Chunzi er víðfrægt í Kína og voru því rúmlega 500 manns viðstaddir þegar hjónabandið var innsiglað.

Dýrin voru klædd viðhafnarfötum þegar þau voru gefin saman.

Changmao og Chunzi hafa átt í ástarsambandi síðustu misseri en gæslumenn í dýragarðinum í Kunming borg í suðvesturhluta Kína þurftu þó að aðskilja parið á síðasta ári.

„Við settum Changmao og Chunzi saman búr einfaldlega vegna þess að dýrin eru bæði jurtaætur," sagði Liu Gencheng, talsmaður dýragarðsins. Stuttu seinna tóku gæslumenn eftir því að dýrin voru ástúðleg í garð hvors annars. Chunzi sleikti háls Changmao og hann réðst á karlkyns dádýr sem nálguðust Chunzi.

Changmao hefur ekki beinlínis verið trúr Chunzi og feðraði lamb með einu kvenkyns rollu dýragarðsins. Changmao var því fluttur til rollunnar og lambsins.

Endurfundirnir voru þó eftirminnilegir og var ákveðið að gefa dýrin saman í dag.