Alfreð: Maður verður að skora úr vítum

Alfreð Finnbogason og félagar í Heerenveen féllu í gær úr leik í hollenska bikarnum í vítaspyrnukeppni gegn Feyenoord.

Leik liðanna lauk með 1-1 jafntefli en í viðtali á heimasíðu hollenska félagsins segir að Alfreð hafi fengið gullið tækifæri til þess að koma liði sínu í 2-1 í síðari hálfleiknum.

„Já, það var frábært færi en markvörðurinn varði vel," segir Alfreð sem steig fyrstur á punktinn í vítaspyrnukeppninni. Aftur sá markvörður Feyenoord við Alfreð.

„Ég tek alltaf vítaspyrnu eins og nú. Það voru mikil vonbrigði að klúðra vítinu. Ég var orðinn mjög þreyttur en það er engin afsökun. Maður verður að skora úr vítum," segir Alfreð.

Heerenveen mætir Vitesse um helgina í deildinni.

„Við verðum að fá þrjú stig. Við höfum spilað vel að undanförnu sem er jákvætt. Það hefur hins vegar ekki skilað góðu úrslitum. Á laugardaginn fáum við nýtt tækifæri," segir Alfreð.