Risapottur í bandarísku happdrætti

Einn var með allar tölur réttar í bandaríska Powerball happdrættinu í gær. Það var til mikils að vinna enda var potturinn einn sá stærsti í sögu Norður-Ameríku.

Vinningsupphæðin nemur rúmum þrjátíu og átta milljörðum íslenskra króna. Vinningshafinn hefur ekki enn stigið fram en vitað er að miðinn var keyptur í Michigan.

Síðast var dregið í happdrættinu í febrúar. Þá var öldruð kona vinningshafinn. Hún þakkaði guði fyrir vinninginn en miðann hafði hún geymt í Biblíu sinni.