Blur spilar á lokaathöfn Ólympíuleikanna

Breska hljómsveitin Blur mun spila á lokaathöfn Ólympíuleikana í Lundúnum í sumar. Ásamt Blur munu hljómsveitirnar New Order og The Specials koma fram.

Meðlimir Blur tilkynntu þetta á samskiptasíðunni Twitter í gær:

„We're rowing in.. going for gold.. grabbing the baton.. for the high jump.. No, hang on, is that right? Fact is, Blur have accepted the invite to headline the Olympics' Closing Ceremony Celebration Concert in Hyde Park on 12th August."

Miðasala hefst 24. febrúar og mun aðgangur á tónleikana kosta rúmar 10.000 krónur.

Árið 2009 stóð til að ráða Damon Albarn, söngvara Blur, sem listrænan stjórnanda Ólympíuleikanna. Leikstjórinn Danny Boyle þó á endanum ráðinn í starfið.

Blur spiluðu síðast á góðgerðasamkomu í Lundúnum á sunnudaginn. Þar frumflutti hljómsveitin nýtt lag sem kallast „Under the Westway." Hægt er að hlusta á lagið hér fyrir ofan.