Uppskrift að smíði Helstirnis

Helstirnið úr Stjörnustríðsmyndunum myndi kosta um einn milljarð milljarða króna. Það myndi taka 833.315 ár að framleiða stálið sem þyrfti í smíði geimstöðvarinnar.

Þeir sem þrá alheimsyfirráð ættu að draga fram glósubókina.

Hagfræðinemendur við Leigh háskólann í Pennsylvaníu í Bandaríkjunum hafa reiknað heildarkostnað við smíði Helstirnisins ógurlega úr fyrstu Stjörnustríðsmyndinni.

Til þess að finna áætlaðan kostnað við verkefnið þurftu nemendurnir að finna stærð geimstöðvarinnar. Þeir komust að því að þvermál hennar hafi verið 140 kílómetrar. Þeir áætluðu að geimstöðin væri aðallega úr járni og miðuðu þykkt þess við hefðbundin flugmóðurskip. Það þarf því 1.08x10¹⁵ tonn af járni (1 með fimmtán núllum) til að byggja eitt stykki Helstirni.

Þótt ótrúlegt megi virðast þá er meira en nóg af stáli á jörðinni til að reisa Helstirni. Í raun væri hægt að reisa 2 milljarða af Helstirnum enda er kjarni Jarðarinnar samsettur úr fljótandi járni.

Framkvæmdakostnaður yrði 8.1 milljarður milljarða dollara en það er þrettánþúsundföld ársframleiðsla heimsins.

Hægt er að sjá umfjöllun hagfræðistúdenta við háskólann í Leigh hér. Meðal annars rýna þau í innritunargjald Hogwarts töfraháskólans.

Einnig má lesa umfjöllun Viðskiptablaðsins um smíði Helstirnisins hér.