Fleiri íslamistar teknir höndum

Franska lögreglan handtók í gær tíu róttæka íslamista í fimm borgum landsins. Í síðustu viku handtók lögreglan 13 manns í sams konar aðgerðum.

Þessar aðgerðir lögreglunnar koma í beinu framhaldi af morðunum í Toulouse og nágrenni, þegar ungur maður myrti sjö manns. Hann var síðan sjálfur veginn þegar lögreglan reyndi að handtaka hann. Bróðir hans er enn í haldi, grunaður um aðild.

„Þrýstingnum á róttæka íslamista og þá hættu sem af þeim stafar verður ekki aflétt,“ sagði Claude Gueant innanríkisráðherra.- gb