Sauðdrukkinn skipstjóri nær strandaði skipi sínu

Hársbreidd munaði að 82 metra langt rússneskt flutningaskip strandaði í fjörunni við Sjálands Odda í Danmörku í nótt.

Ástæðan var að sauðdrukkinn skipstjórinn hafði sofnað við stýrið. Stjórnstöð danska flotans sá í hvað stefndi og sendi þyrlu á vettvang.

Þegar þyrlan kom að skipinu sást að skipstjórinn var steinsofandi í brúnni og engin leið að vekja hann. Því var maður látinn síga um borð í skipið en honum tókst heldur ekki að vekja skipstjórann.

Þá var stýrimaður skipisins ræstur út og tókst honum að forða strandinu en þá var skipið aðeins mínútum frá því að lenda í fjörunni.