Joe Kennedy hefur kosningabaráttu sína

Joe Kennedy III, barnabarn Roberts Kennedy, hóf kosningabaráttu sína í dag. Hann sækist eftir sæti í Fulltrúadeild Bandaríkjaþings.

Joe sýndi kunnuglega takta í dag þegar hann talaði við kjósendur.

Joe á ekki langt að sækja persónutöfrana en Kennedy fjölskyldunni hefur tekist að heilla kjósendur síðustu áratugi. Þannig hefur fjölskyldan átt fulltrúa á þingi Bandaríkjanna nær sleitulaust síðustu 60 ár.

Kennedy fjölskyldan hvarf þó af pólitísku sjónarsviði Bandaríkjanna í fyrra þegar frændi Joes, Patrick Kennedy, settist í helgan stein.

Hann hóf kosningabaráttuna formlega með ávarpi á vefsíðunni YouTube. Áhugasamir geta séð myndbandið hér að ofan.