Þjóðverjar velja tökuorð ársins: "hægðalægð"

Val á tökuorði ársins í Þýskalandi er lokið. Hópur fræðimanna komst að þeirri niðurstöðu að enska orðið „shitstorm" eða hægðalægð sé það orð sem hafi haft hvað mesta þýðingu fyrir landið á síðustu 12 mánuðum.

Það var orðsifjafræðingurinn Anatol Stefanowitsch sem fór fyrir nefndinni en í henni voru nokkrir af þekktustu málvísindafræðingum Þýskalands. „Orðið fyllir í ákveðna eyðu sem myndast hefur í almenni umræður," sagði Stefanowitsch.

Stefanowitsch sagði að orðið „shitstorm" hafi oft á tíðum verið notað með vísunum í skuldavanda evrusvæðisins. Orðið var einnig notað í tengslum við ritstuldarhneyksli fyrrverandi varnarmálaráðherra Þýskalands, Karl-Theodor zu Guttenberg.

Niðurstöður nefndarinnar varpa ljósi á tíðaranda Þýskalands og víðar. Í öðru sæti var orðið „Stresstest" en þar gætir einnig áhrifa frá fjárhagsvanda evruríkjanna.

Í þriðja sæti var orðið „Tablet" og vísar nefndin þar í vinsældir spjaldtölva í Þýskalandi. Orðin „Occupy" og „Cloud" komu einnig til greina sem tökuorð ársins.

Stefanowitsch heldur því fram að tökuorð séu af hinu góða. „Margir halda því fram að tökuorð - þá sérstaklega úr ensku - ógni þýskri tungu. Ég tel að tökuorð séu nauðsynlegur liður í þróun tungumála og að þau efli orðaforða þeirra sem búa á málsvæðinu."