Ítreka áhyggjur af kjarnorku

Leiðtogar nærri sextíu ríkja, sem komu saman í Suður-Kóreu í vikunni, hafa áhyggjur af því að hryðjuverkamenn eigi auðvelt með að komast yfir efni til gerðar kjarnorkusprengju. Slík efni eru til staðar í mörgum húsum í nokkrum tugum landa. Jafnvel þótt aðeins brotabrot af þeim kæmust í hendur hryðjuverkamanna, þá gætu afleiðingarnar orðið skelfilegar.

„Það þyrfti ekki mikið, ekki nema handfylli eða svo af þessum efnum, til að drepa hundruð þúsunda saklausra manna,“ sagði Barack Obama Bandaríkjaforseti, „og það eru ekki ýkjur, það er staðreyndin sem við blasir.“

- gb