Michel Platini er á enn á móti marklínutækninni

Michel Platini forseti knattspyrnusambands Evrópu, er enn á móti marklínutækninni, sem Alþjóða knattspyrnusambandið hefur lagt blessun sína yfir. Á heimsmeistaramóti félagsliða fram fer í Japan verður marklínutæknin notuð í fyrsta sinn í alvöru leikjum en Platini efast um að FIFA sé á réttri leið. Að mati Platini ætti að nota fjármagnið sem fer í marklínutæknina í grasrótarstarf.

Marklínutæknibúnaður var notaður í fyrsta sinn í opinberum leik í síðustu viku þar sem að Sanfrecce Hiroshima og Auckland City áttust við í Yokohama.

Platini svaraði spurningum fréttamanna í Kuala Lumpur um marklínutæknina. „Þetta snýst ekki um marklínutæknina, aðalatriðið hvar á að draga línuna, hvar á byrja að nota tæknibúnað og hvar á að enda. Það mun kosta UEFA um 50 milljónir Evra (8 milljarða kr.) að setja upp slíkan búnað í keppnum á okkar vegum. Ég er á þeirri skoðun að það væri betra að eyða þessum peningum í grasrótarstarfið. Það eru kannski tvö mörk á ári sem eru umdeild og marklínutæknin gæti komið að notum í þeim tilvikum. Það er frekar há upphæð sem við erum að eyða á hvert mark," sagði Platini en margir eiga von á því að hann verði næsti forseti FIFA þegar kosningar fara fram árið 2015. Svisslendingurinn Sepp Blatter er forseti FIFA.

Platini er á þeirri skoðun að það væri betra að fjölga dómurum í leikjum í stað þess að eyða fjármunum í flókinn tæknibúnað.