Kosningar í skugga blóðugra átaka

Sýrlendingar ganga til atkvæða um nýja stjórnarskrá í dag en hún er tilraun stjórnvalda til að reyna að stöðva átökin í landinu. Það sem af er degi hafa á fjórða tug látið lífið í borginni Homs.

Fjölskylda Bashar al-Assad, forseta Sýrlands, hefur í áratugi ein stýrt landinu. Verði nýja stjórnarskráin samþykkt getur hún fræðilega bundið enda á valdatíma fjölskyldunnar. Í stjórnarskránni er ákvæði um að fjölflokkakerfi verði tekið upp og kosningar yrðu þá haldna eftir þrjá mánuði. Stjórnvöld vilja með kosningunum reyna að koma til móts við landsmenn sem krefjast lýðræðisumbóta. Fjórtán þúsund kjörstöðum hefur verið komið upp víðs vegar um Sýrland en fjórtán milljónir hafa kosningarétt.

Stjórnarandstæðingar hafa litla trú á þessu útspili forsetans. Þeir segja kosningarnar eitt allsherjar leikrit og ætla að að siðganga þær. Þeir segja kröfu sína skýra og forsetinn eigi að víkja tafarlaust.

Blóðug átök voru í landinu í gær þegar níutu manns létu lífið. Talið er að allt að sjö þúsund manns hafi fallið í átökum í landinu sem nú hafa staðið í um ár.