Rapid segir öllum útlendingum upp í tölvupósti

Rúmenska stórveldið Rapid Búkarest er í gríðarlegum fjárhagsvandræðum og svo miklum að félagið er á leið í gjaldþrotaskipti. Það stendur þó ekki til að leggja félagið niður.

Til þess að skera niður kostnað hefur félagið sagt upp öllum erlendum leikmönnum sínum. Þeim samningum var sagt upp í tölvupósti.

Alls eru þetta ellefu leikmenn og allt lykilmenn. Eftir standa í leikmannahópnum aðeins örfáir heimamenn.

Fimm brasilískir leikmenn félagsins eru þvi í leit að nýju félagi sem og tveir Portúgalar, tveir Serbar, einn Makedóni og einn Svartfellingur.