Meireles í ellefu leikja bann

Portúgalski miðjumaðurinn Raul Meireles hefur verið settur í ellefu leikja bann af tyrkneska knattspyrnusambandinu fyrir að hrækja í átt að dómara í leik á dögunum.

Meireles, sem spilaði með Liverpool og Chelsea í ensku úrvalsdeildinni á sínum tíma, var rekinn af velli í tapi gegn Galatasaray á dögunum. Meireles var allt annað en sáttur með ákvörðun dómarans að gefa honum sitt annað gula spjald.

Í meðfylgjandi myndböndum má sjá atvikið þar sem Meireles missir stjórn á skapi sínu frá tveimur sjónarhornum.

<iframe width="640" height="360" src="https://www.youtube.com/embed/TsXtU1jln-g?feature=player_detailpage" frameborder="0" allowfullscreen></iframe>