FIFA sviptir landslið Búrkína Fasó stigi

Alþjóðaknattspyrnusambandið, FIFA, hefur staðfest að karlalandslið markalaust jafntefli Búrkína Fasó gegn Kongó verði skráð sem 3-0 sigur Kongó.

Ástæðan er sú að Búrkína Fasó hefur ítrekað teflt fram Herve Zengue, varnarmanni frá Kamerún, þrátt fyrir að ítrekaðar athugasemdir að hann sé ekki gjaldgengur í landsliðið.

Auk þess þarf Knattspyrnusamband Búrkína Fasó að greiða 6500 dollara eða rúmar 800 þúsund íslenskar krónur.

Zengue er ekki gjaldgengur í landslið Búrkína Fasó þar sem hann er hvorki fæddur í landinu né hefur nokkur ættartengsl við landið. Forsvarsmenn Knattspyrnusambands Búrkína Fasó halda því fram að Zengue sé kvæntur konu frá Búrkína Fasó og því hafi hann fengið búrkínskt vegabréf. Því sé hann gjaldgengur í landsliðið.