Fótbolti

Adebayor óttast um líf sitt og neitar að fara í Afríkukeppnina

Stefán Árni Pálsson skrifar
Mynd / Getty Images
Landslið Tógó verður líklega án Emmanuel Adebayor í Afríkukeppninni sem fram fer í janúar en framherjinn er einfaldlega hræddur um líf sitt.

Fyrir tveimur árum létust þrír leikmenn liðsins eftir að rúta liðsins fékk á sig skotárás.

Adebayor var á meðal leikmanna og vill ekki upplifa slíkan atburð á ný.

„Það ganga sögusagnir um mig að ég vilji ekki spila vegna ógreiddra launa en ég vísa því alfarið frá, ég hef oftar en ekki aðstoðað sambandið þegar það er í fjárhagserfileikum."

„Ég var í rútunni fyrir tveimur árum og sá fólk deyja fyrir framan nefið á mér, ég hélt að ég myndi sjálfur deyja og vill ekki upplifa svona aftur. Það eru kannski 5% líkur á því að ég fari í keppnina," sagði Adebayor.




Fleiri fréttir

Sjá meira


×