Erlent

Faðir fórnarlambs tjáir sig við fjölmiðla

BBI skrifar
Faðir ungrar stúlku sem lét lífið í skotárásinni í Bandaríkjunum á föstudag steig fram og tjáði sig við fjölmiðla í gær. Fréttastofa CNN birti myndband af því á youtube-síðu sinni en myndbandið má nálgast með því að smella á hlekkinn hér að ofan.

„Það hafa svo margar fréttastofur sett sig í samband við mig til að komast að því hvernig okkur líður og ég hélt bara að þetta gæti verið besta leiðin til að deila þeim tilfinningum með öllum," segir hann í upphafi myndbandsins.

Hann kom samúðarkveðjum til allra fjölskyldna sem voru beinlínis fórnarlömb voðaverkanna - þar á meðal fjölskyldu ódæðismannsins.

Að lokum talaði hann um stúlkuna sína, Emily, og sagðist lánsamur að vera faðir hennar.


Tengdar fréttir

Tíu þúsund manns fórust í skotárásum í Bandaríkjunum í fyrra

Síðastliðin þrjátíu ár hafa orðið 61 skotárás í Bandaríkjunum, þar sem meira en fjórar manneskjur hafa farist. Ellefu af þessum skotárásum hafa orðið í skólum. Skotárásin í Sandy Hook í Newtown í gær, þar sem 26 voru drepnir, er næstmannskæðasta skotárásin á eftir skotárásinni í Virgina Tech skólanum árið 2007. Þar fórust 32.

Lík fannst á heimili manns sem tengdur er árásinni

Enn er ekki vitað hvort að vígamaðurinn í grunnskólanum Sandy Hook í Connecticut hafi verið einn á ferð. Lögregluyfirvöld í bænum Newtown hafa staðfest að einn árásarmaðurinn hafi fallið á vettvangi.

Myrti móður sína fyrst - 20 börn látin í Newtown

Fjöldamorðinginn í Newtown í Connecticut-ríki í Bandaríkjunum hét Adam Lanza. Hann var 20 ára gamall og lést á vettvangi í Newtown. Lögregluyfirvöld hafa ekki staðfest hvort að Lanza hafi svipt sig lífi eða hvort að hann var felldur af lögreglumönnum.

Árásarmaðurinn vel gefinn en mannfælinn

Fjöldi kom saman fyrir utan Hvíta Húsið í gærkvöldi til að minnast þeirra tuttugu barna og sjö fullorðinna sem féllu í skotárás sem gerð var á grunnskólann Sandy Hook.

Mest lesið


Fleiri fréttir

Sjá meira


×

Mest lesið